සුදු ඇඳුම් අල්මාරියේ තිබ්බත් කහ පාට ගැහෙන්නේ මේ හේතුව නිසා.විනාඩි 10න් කහ ගතිය නැති කරන රහස
- Get link
- X
- Other Apps
සුදු ඇදුම් කියන්නේ අපේ ඇඳුම් කබඩ් එකේ තියෙන වඩාත්ම සුන්දර එහෙත් නඩත්තු කරන්න අමාරු ඇඳුම් වර්ගයයි. බොහෝ දෙනෙක් මුහුණ දෙන ප්‍රධාන ගැටලුවක් තමයි සුදු ඇඳුම් කාලයක් යන විට කහ පැහැයට හැරීම. වඩාත්ම පුදුමයට හිතෙන දේ තමයි අඳින්නේ නැතිව අල්මාරිය ඇතුලේ පරිස්සමට තියලා තිබ්බත් මේ දේ සිදුවීමයි.
ශරීරයේ දාඩිය රෙදිවල තැන්පත් වීම: අපේ සිරුරෙන් පිටවන දාඩිය, තෙල් සහ සබන් හෝ ඩියුඩ්‍රන්ට්ස් හි ඇති කොටස් රෙදි තන්තු අතර පවතිනවා. ඇඳුම් සේදූ පසුත් මේවා සම්පූර්ණයෙන්ම ඉවත් නොවුණොත් කාලයත් සමග ඔක්සිජන් සමග ප්‍රතික්‍රියා කර කහ පැහැති ලප ඇති කරනවා.
රෙදි සෝදන සබන් කුඩු හරියට ඉවත් නොවීම:ඇඳුම් සෝදන විට සබන් හෝ රෙදි සෝදන කුඩු හොඳින් සෝදා හැරියේ නැත්නම් ඒවා රෙදි අතර වියළී කාලයක් සමග කහ පැහැයට හැරෙනවා
අල්මාරිය ඇතුලේ වාතය:අල්මාරියක් ඇතුලේ සංවෘත පරිසරයක් පවතිනවා. එහි ඇති තෙතමනය සහ වාතය සංසරණය නොවීම නිසා රෙදි තන්තු වල රසායනික වෙනස්කම් සිද්ධ වෙනවා.
අල්මාරියේ ඇති ද්‍රව්‍ය:පැරණි අල්මාරි වලින් පිටවන ස්වභාවික අම්ල වර්ග හෝ ප්ලාස්ටික් බෑග් වලින් පිටවන රසායනික ද්‍රව්‍ය මගින්ද සුදු ඇඳුම් කහ පැහැයට හැරෙන්න පුළුවන්.
ඇදුම් සුදු කිරීමට යොදන රසායනික ද්රව්යනිෂ්පාදකයින් සුදු ඇදුම් දීප්තිමත් ව තබා ගැනීමට රසායනික ද්‍රව්‍යයක් යොදනවා. කාලයත් සමග මේවායේ බලපෑම් නැතිවී ඇදුමේ ස්වාභාවික සහ පැහැය මතුවෙනවා. කහවු සුදු ඇදුම් නැවත අලුත් කර ගන්නා ක්‍රම බේකින් සෝඩා සහ දෙහි යුෂ:
කහ වූ ඇඳුම උණුසුම් වතුර බාල්දියකට දමා එයට බේකින් සෝඩා කෝප්ප භාගයක් සහ දෙහි යුෂ එකතු කර පැය දෙකක් තුනක් පොඟවා තබා සාමාන්‍ය පරිදි සෝදා හරින්න.
විනාකිරි:රෙදි සෝදන විට අවසානයට සෝදන වතුර එකට සුදු විනාකිරි කෝප්පයක් එකතු කරන්න. මෙය සබන් ඉතිරි කොටස් ඉවත් කර ඇඳුමට දීප්තියක් ලබා දෙනවා.
හිරු එළිය:සුදු ඇඳුම් සෝදා හොඳින් හිරු එළිය තදින් වැටෙන තැනක වියළා ගන්න. හිරුගේ ඇති පාරජම්බුල කිරණ ස්වභාවික Bleaching agent එකක් ලෙස ක්‍රියා කරනවා.
හයිඩ්‍රජන් පෙරොක්සයිඩ් (Hydrogen Peroxide):ගෙදර දොරේ භාවිතා කරන 3% හයිඩ්‍රජන් පෙරොක්සයිඩ් වතුර සමග මිශ්‍ර කර ඇඳුම් පොඟවා තැබීමෙන් දැඩි කහ ලප ඉවත් කරගන්න පුළුවන්.
ඇඳුම් කහ නොවී තබා ගැනීමට උපදෙස්හොඳින් වියළා ගබඩා කිරීම: අල්මාරියේ තබන්නට පෙර ඇඳපු ගමන් හෝ තෙත පිටින් ඇඳුම් අල්මාරියට දාන්නට එපා. හොඳින් වියළා පිරිසිදුව තබන්න.
ප්ලාස්ටික් බෑග් වලින් වළකින්න: සුදු ඇඳුම් කහ වීම වැළැක්වීමට ඒවා ප්ලාස්ටික් බෑග් වල බහා තබනවා වෙනුවට කපු රෙදි බෑග් වල අසුරන්න. Bleaching අධිකව භාවිතා නොකරන්න:Chlorine bleaching අධිකව භාවිතා කිරීමෙන් රෙදි තන්තු වලට හානි වී ඇඳුම් තව තවත් කහ පැහැ ගැහෙනවා.
නිසි ලෙස නඩත්තු කිරීමෙන් සහ නිවැරදි ක්‍රමවේද අනුගමනය කිරීමෙන් ඔබේ ප්‍රියතම සුදු ඇඳුම් කාලයක් යනතුරු අලුත් පිටින්ම තබා ගැනීමට හැකියාව ලැබෙනවා.
- Get link
- X
- Other Apps
Comments
Post a Comment