නහර ගැට ගැසීම හිතනවාට වඩා ලේසියෙන් පාලනය කරමුද?
සෞඛ්‍යය කියන්නේ ඔබ සතු ලොකුම ධනයයි.
හැබැයි ඒ ධනය රැක ගන්න හැමතිස්සෙම රෝහල් ගානේ රුපියල් ලක්ෂ ගණන් වියදම් කරන්න ඕනේ නැහැ. ඔබේ මුළුතැන්ගෙයි තියෙන පුංචි රතු ලූනු සහ සුදු ලුනු ගෙඩියකට පුළුවන් කකුල්වල තියෙන අර අපහසුතා දෙන, කැත නහර ගැටගැසීමේ පීඩාව සරලව පාලනය කරන්න කිව්වොත් ඔබ පුදුම වේවි !
(Varicose Veins)
අපේ කකුල්වල තියෙන නහර (Veins) හරහා රුධිරය නැවත හදවත දෙසට (ගුරුත්වාකර්ෂණයට එරෙහිව) ගමන් කළ යුතුයි. මේ නහර ඇතුළේ ලේ ඉහළට පමණක් යැවීමට උදවු වන වැල්වූ (Valves) පවතිනවා. නමුත් එක දිගට හිටගෙන සිටීම හෝ වෙනත් හේතු නිසා මේ වැල් වූ දුර්වල වූ විට, ලේ නැවතපහළට ගලාගෙන ඇවිත් කකුල්වල එක තැන පල් වෙන්න පටන් ගන්නවා. අන්න එතකොට තමයි නහර ඉදිමිලා, නිල් හෝ දම් පාට වෙලා, ගැට ගැසුණු ස්වභාවයක් ගන්නේ
රතු ලුනු සහ සුදු ලුනු සතු රහසිගත බලය
රතු ලුනු: මෙහි Quercetin කියන ප්‍රබල ප්‍රතිඔක්සිකාරකය බහුලයි. එයින් රුධිර නාලවල බින්න ශක්තිමත් කරන අතර නහර වල ඇදෙනසුලු බව (Elasticity) රැකදෙයි.
සුදු ලුනු: මෙහි ඇති Allicin සංයෝගය මඟින් රුධිරය කැටි ගැසීම වළක්වා, නහර තුළ රුධිර සංසරණය (Blood circulation) වේගවත් කරයි.
සරල උපමාවක් හරියට වතුර බටයක් ඇතුළේ කුණු හිරවුණාම චතුර යන්නේ නැතුව බටය පිම්බිලා ඉදිමෙනවා වගේ වැඩක් තමයි මෙතන වෙන්නේ. ලුනුවල තියෙන සක්‍රීය සංයෝග කරන්නේ අන්න ඒ බටය ඇතුළේ තියෙන බාධා ඉවත් කරලා, ලේ ගමනාගමනය නිදහස් කර දෙන එකයි!
මෙම සත්කාරය නිවැරදිව කරන්නේ කොහොමද?
නහර ගැටගැසීමට එරෙහිව ඔබට බාහිරව සහ අභ්‍යන්තරව මෙම සරල පියවරයන් අනුගමනය කළ හැකියි.
අභ්‍යන්තර සත්කාරය (ආහාර වේල)
දෛනික ආහාර වේල සකස් කිරීමේදී (සලාද, වෑංජන හරහා) අමු රතු ලුනු සහ සුදු ලුනු භාවිතය වෙනදාට වඩා මඳක් වැඩි කරන්න.
2 බාහිර සත්කාරය (සම්බාහනය):
1. මිශ්‍රණය සෑදීම (තලා ගැනීම) නැවුම් සුදු ලුනු බික් 3-4ක් හොඳින් තලා, එයට ඔලිව් තෙල් (Olive oil) හෝ පොල් තෙල් මේස හැඳි 2ක් එකතු කර මඳක් රත් කර නිවෙන්න හරින්න.
2 මෘදුව පිරිමැදීම ( හදවත දෙසට) එම තෙල් ස්වල්පය නහර ගැට ගැසුණු ස්ථානවල ගා කකුලේ පහළ සිට ඉහළට ( හදවත දෙසට වන පරිදි පමණක්) ඉතාමන් මෘදුව විනාඩි 5-10ක් පිරිමදින්න.
3. විවේක දීම (රාත්‍රී කාලයේ) මෙය රාත්‍රී නින්දට පෙර සිදු කර කකුල් දෙක යටින් කොට්ටයක් තබා මඳක් ඉහළින් තබාගෙන නිදා ගැනීම වඩාත් සුදුසුයි.
ඉතාම වැදගත් අනතුරු ඇඟවීම!
මෙම ලුනු සත්කාරය සරල පාලන පියවරක් (Supportive care) සහ මුල් අවස්ථාවේදී සහනයක් දෙන ක්‍රමයක් පමණි. ඔබගේ නහර ගැටගැසීම අධික ලෙස ඉදිමි, තදින් රිදෙනවා නම් හෝ තුවාල හට ගෙන තිබේ නම්, ස්වභාවික සත්කාර මතම නොසිට අනිවාර්යයෙන්ම සුදුසුකම් ලන් ශල්‍ය වෛද්‍යවරයකු (Surgeon) හමු වී වෛද්‍ය උපදෙස් ලබාගත යුතුය.
credit goes to respective owners
Comments
Post a Comment