ලෝකයම නෙත් කඳුළින් තෙත් කරමින් දහස් ගණනකගේ ජීවිත සහ දේපළ හිතන්නවත් වෙලාවක් ඉතිරි නොකර ගසාගෙන ගිය නේපාලයේ මහා ගංවතුර ව්‍යසනය හමුවේ, සියල්ලන්ගේම අවධානය දිනාගත් අතිශය විමතිය දනවන සිදුවීමක් වාර්තා වනවා.
ඒ, මහා ජල ප්‍රවාහයට මැදිව විනාශයේ අද්දර සිටි පවුලක්, කිසිවෙකුටත් අදහගත නොහැකි ලෙස ආශ්චර්යමත් අන්දමින් දිවි බේරාගැනීමේ පුවතයි.
පසුගියදා සමාජ මාධ්‍ය පුරා දැඩි ලෙස සංසරණය වූ වීඩියෝ පටයක දැක්වුණේ, උතුරා යන මහා ජල කඳක් අදාළ නිවස මුළුමනින්ම වටකර ගන්නා අයුරුයි. එහිදී නිවසේ සිටි පිරිස බේරීම සඳහා, එහා පැත්තේ සිටි උදව්කරුවන්ට අල්ලාගැනීමට කඹ පවා දමමින් මහත් අසරණ ලෙස සටනක යෙදෙන ආකාරය සටහන්ව තිබුණා.
එහෙත්, මුළු ලෝකයම මහත් බියෙන් සහ කණගාටුවෙන් බලා සිටි එම සිදුවීමේ දෙවන ජවනිකාව ලෙස තවත් වීඩියෝවක් මේ වන විට එළිදැක්වී තිබෙනවා. එහි දැක්වෙන්නේ එම නිවසට හෝ එහි සිටි කිසිදු අයෙකුට සුළු හෝ හානියක් සිදු නොවී, ඔවුන් සියලු දෙනාම ඉතා සුවසේ සහ යහපතින් පසුවන අයුරුයි.
සිදුවූ මහා විනාශය හමුවේ ඔවුන් මුහුණ දුන් මෙම විශ්මයජනක ගැලවීම දුටු බොහෝ දෙනා පවසන්නේ මෙය සසරේ කළ මහා සංසාරික පිනක්ම බවයි. අද වන විට මුළු ලෝකයම මෙම නිවසේ ශක්තිමත් බවත්, එම මිනිසුන්ගේ මහත් වූ වාසනාව සහ පෙර පින ගැනත් දැඩි ලෙස කතාබහ කරන්නට පටන්ගෙන තිබෙනවා.
සොබාදහම කෝප වී මහා ගංවතුරින් දහස් ගණනක් අසරණ වෙද්දී, පින සහ යහපත ඉදිරියේ සොබාදහම පවා මිනිසා ආරක්ෂා කරන බවට මෙම සිදුවීම හොඳම නිදසුනක්.
Comments
Post a Comment