දෙපතුල් පැලීම නතර කරගන්න මිල අධික ක්‍රීම් ගන්න කලින් මේක බලන්න
- Get link
- X
- Other Apps
දෙපතුල් පැලීම, සම රළු වීම සහ ඇතැම් අවස්ථාවල වේදනාවක් දැනීම බොහෝ දෙනෙකු මුහුණ දෙන ගැටලුවක්. මේ සඳහා වෙළඳපොළේ මිල අධික ක්‍රීම් වර්ග රැසක් තිබුණත්, නිවසේදී පහසුවෙන් ලබාගත හැකි ද්‍රව්‍ය කිහිපයක් භාවිතයෙන් සරල ක්‍රීම් එකක් සකස් කර බලන්නත් පුළුවන්
විශේෂයෙන් දෙපතුල්වල වියළි බව සහ රළු ස්වභාවය අඩු කරමින් ඒවා මෘදු කරගැනීමට උපකාරී වන මෙම ක්‍රීම් එක නිවසේදීම සරලව සකස් කරගන්න පුළුවන්.
අවශ්‍ය ද්රව්යමෙම ක්‍රීම් එක සෑදීම සඳහා අවශ්‍ය වන්නේ ද්‍රව්‍ය තුනක් පමණයි.
වාසලීන් (Vaseline) – තේ හැඳි ½ ක්
ඇලෝවේරා ජෙල් (Aloe Vera Gel) – තේ හැඳි 2 ක්
පිණ්ඩ තෙල් (Pinda Oil) – තේ හැඳි 1 ක්
ක්‍රීම් එක සකස් කරගන්නේ මෙහෙමයිපළමුව පිරිසිදු බඳුනක් ගෙන වාසලීන්, අලෝවේරා ජෙල් සහ පිණ්ඩ තෙල් එයට එකතු කරන්න. ඉන්පසු මෙම ද්‍රව්‍ය සියල්ල හොඳින් මිශ්‍ර කර ක්‍රීම් එකක් වැනි පදමක් ලැබෙන තුරු කලවම් කරන්න.
හොඳින් මිශ්‍ර වූ පසු සකස් කරගත් ක්‍රීම් එක පිරිසිදු කුඩා වීදුරු බඳුනකට හෝ ප්ලාස්ටික් බෝතලයකට දමා හොඳින් වසා තබාගන්න.
මෙම ක්‍රීම් එක සති 2ක් පමණ තබාගෙන භාවිතා කළ හැකියි.
හොඳ ප්‍රතිඵලයක් ලබාගැනීම සඳහා සෑම දිනකම රාත්‍රියේ නිදාගැනීමට පෙර මෙම ක්‍රීම් එක භාවිතා කරන්න.
පැලී ඇති ස්ථානවලට පමණක් නොව, මුළු දෙපතුල පුරාම හොඳින් ගා සෙමින් ආලේප කරන්න. මෙය අඛණ්ඩව සති 2ක් පමණ සිදු කළහොත් දෙපතුල්වල මෘදු බව සහ වෙනසක් දැකගැනීමට හැකි විය හැකියි.
තවත් හොඳ ප්‍රතිඵල සඳහා මේ සත්කාර දෙකත් කරලා බලන්න!
1 මඳ උණුසුම් වතුරෙන් දෙපතුල් පෙඟවීමසතියකට 2 සිට 3 වතාවක් පමණ මඳ උණුසුම් වතුර බාල්දියක් හෝ භාජනයක් සකස් කරගන්න.
එයට:
ලුණු ස්වල්පයක්
දෙහි යුෂ ස්වල්පයක්
එකතු කර දෙපතුල් විනාඩි 15 සිට 20ක් පමණ පෙඟෙන්න තබන්න.
මෙම සත්කාරයෙන් පසු දෙපතුල් මෘදු වන අතර, ඉදිරි සත්කාර සඳහාද ඒවා සූදානම් කරගත හැකියි.
පියුමික් ස්ටෝන් (Pumice Stone) භාවිතා කිරීමදෙපතුල් හොඳින් පෙඟුණු පසු පියුමික් ස්ටෝන් එකක් භාවිතා කර මැරුණු සහ රළු සම සෙමින් පිරිමදින්න.
කෙසේ වෙතත්, සමට තුවාල වන ආකාරයට තදින් පිරිමැදීමෙන් වැළකී මෘදු ලෙස මෙය සිදු කිරීම වැදගත්.
ඉන්පසු දෙපතුල් පිරිසිදු කර හොඳින් පිසදා, ඔබ නිවසේදී සකස් කරගත් ක්‍රීම් එක හොඳින් ආලේප කරන්න.
ඉතින්, පැලුණු සහ රළු වූ දෙපතුල් සඳහා මිල අධික නිෂ්පාදන පමණක් මත රඳා නොසිට, මෙම සරල සත්කාර ක්‍රමයත් අත්හදා බලන්න. නිතරම දෙපතුල්වල වියළි බව සහ පැලීම් වැඩි වන්නේ නම්, ඒ සඳහා සුදුසු වෛද්‍ය උපදෙස් ලබාගැනීමත් වැදගත්.
උපුටාගැනීමකි මුල්හිමිකරුට ස්තූතියි
- Get link
- X
- Other Apps
Comments
Post a Comment