තමන්ගේ අම්මා තාත්තා එක්ක ගෙදර යන්න ඕන පුංචි පැටවෙක්, රෝහල් ඇඳක් උඩ තනියම පවුලක් ලැබෙනකන් මඟබලන් ඉන්න අතිශය සංවේදී, හදවත රිදවන සැබෑ කතාවක්..

 

මාර්තු 10 වෙනිදා ඉක්වදෝරයේ (Ecuador) ගුවායාකිල් හිදී ලුසියානා (Luciana) කියන මේ පුංචි දියණිය උපත ලැබුවා. උපන් දිනට පසුදින එනම් මාර්තු 11 වෙනිදා, එයාගේ ආච්චියි සීයයි එයාව වෛද්‍ය ප්‍රතිකාර සඳහා "Francisco de Icaza Bustamante" ළමා රෝහලට ඇතුළත් කළා. හැබැයි ඊටපස්සේ උන් දෙන්නා ආයෙත් කවදාවත් එයාව බලන්න ආවේ නැහැ... . ජූලි මාසය අග වෙනකොට ලුසියානාට වයස මාස 4ක් සම්පූර්ණ වුණා. හැබැයි එයාගේ මුළු ජීවිත කාලයම ගෙවුණේ රෝහල ඇතුළේමයි. වාසනාවකට මෙන්, රෝහල් කාර්ය මණ්ඩලයේ කැපවීම සහ ආදරය නිසා එයා සෞඛ්‍ය සම්පන්නව, හොඳ සෞඛ්‍ය තත්ත්වයකින් පසුවන බව වෛද්‍යවරු පැවසුවා.

මේ සිදුවීම දරුවෙකු අතහැර දැමීමේ (abandonment) සිදුවීමක් ලෙස සලකා එරට බලධාරීන් පරීක්ෂණ පවත්වන අතර, එයාගේ ඥාතීන් කවුරුන් හෝ සිටිනවාදැයි සෙවීමට කටයුතු කරමින් සිටිනවා. . නීතිමය ක්‍රියාවලිය නිසා, ආසා කරන කෙනෙකුට එකපාරටම එයාව හදාගන්න (adopt) දෙන්න බැහැ. දරුවෙකුව වෙනත් පවුලකට දීමට පෙර, එරට නීතියට අනුව එයාගේ දෙමව්පියන් හෝ ළඟම ඥාතීන් සොයාගැනීමට බලධාරීන් උත්සාහ කළ යුතුයි.

නීතිමය පැත්ත කෙසේ වෙතත්, මේ කතාව පිටුපස තියෙන්නේ හදවත රිදවන සැබෑ තනිකමක්... තමන්ව බලන්න කවුරුහරි ඒවිද කියලා හිතමින් රෝහල් ඇඳක් මත තනියම කාලය ගෙවන්න කිසිම පුංචි පැටවෙකුට සිද්ධ විය යුතු නැහැ. . නීතිමය කටයුතු ඉවර වුණාම, මේ පුංචි ලුසියානාට එයාගේ මුළු ජීවිත කාලයටම ආදරය, ආරක්ෂාව සහ සතුට ලබාදෙන ලස්සන ආදරණීය පවුලක් ඉක්මනින්ම ලැබේවායි අපි ප්‍රාර්ථනා කරමු! . මේ අහිංසක පුංචි පැටවාට ලස්සන අනාගතයක් ලැබෙන්න ඔයත් ප්‍රාර්ථනා කරනවා නේද?